අවසන් යුද සමයේ මියගිය කොටි සාමාජිකයින් ඇතුළු දෙමළ ජනතාව සිහිකිරීම සඳහා යාපනය විශ්ව විද්‍යාලය තුළ මුල්ලිවයික්කාල් සැමරුම් ස්මාරකයක් ඉදිකිරීමට සැලසුම් කර ඇතැයි බුද්ධි අංශ ආරංචි මාර්ග අනාවරණය කර සිටියි.
යාපනය විශ්ව විද්‍යාලයේ මහා ශිෂ්‍ය සංගමයේ මුදල් වලින් මෙම ස්මාරකයේ වැඩ කටයුතු ආරම්භ කිරීමටත් මෙම ස්මාරකය ලබන 18 වැනි දා ට පෙර ඉදිකර අවසන් කිරීමටත් මහා ශිෂ්‍ය සංගමය සැලසුම් කර තිබේ.
යාපනය විශ්ව විද්‍යාලයේ මහා ශිෂ්‍ය සංගමයේ සභාපති ක්‍රිෂ්ණ මේනන්ගේ ප්‍රධානත්වයෙන් විශ්ව විද්‍යාල කලා මණ්ඩපයේ පැවති සාකච්ඡාවකදී මෙම තීරණය ගෙන ඇති බවද වාර්තා වේ.
2009 මැයි 18 වැනි දා මුලතිව් මුල්ලි වයික්කාල්හි පැවති අවසන් යුද්ධයෙන් මියගිය සාමාන්‍ය සිවිල් ජනතාව ඇතුළු කොටි සාමාජිකයින් සිහිකිරීම වෙනුවෙන් සිදුකරන මුල්ලිවයික්කාල් සැමරුම නිමිත්තෙන් මෙම ස්මාරකය ඉදිකිරීමට නියමිතය.
-ලංකාදීප