අගමැතිවරයා විසින් මහ බැංකු අධිපති ලෙස අර්ජුන් මහේන්ද්‍රන් පත් කිරීම වැරදි බව නියෝජ්‍ය අමාත්‍ය රන්ජන් රාමනායක මහතා පවසයි.
කොළඹදී පැවති මාධ්‍ය හමුවක් අමතමින් හෙතෙම මේ බව කියා සිටියේ ය.
අර්ජුන් මහේන්ද්‍රන් බෑණා වන අර්ජුන් ඇලෝසියස් සමග එක්වී බැදුම්කර වංචාව දෙතුන් වතාවක් සිදුකළ වත් පවසන රන්ජන් රාමනායක මහතා කේසේ වෙතත් බැදුම්කර වංචාවේ සියළු මුදල් අගමැතිවරයා සාක්කුවේ දමාගත් බව තමන් නොකියන බවද කියා සිටියේය.
අගමැතිතුමන් පාරිශුද්ධ බොධිසත්වයෙක් යයි තමන් නොකියන බවද රාමනායක මහතා පැවසීය.
මීට ප‍්‍රතිචාර දක්වමින් මාධ්‍ය අමතන ලද ජාතික සමගි පෙරමුණේ නායක අසාද් සාලි මහතා කියා සිටියේ වරදක් වු බව රන්ජන් රාමනායක මහතා විසින් පිලිගෙන ඇති බවයි.
බැදුම්කර වංචාවේ මුදල් සියල්ල අගමැතිතුමන් විසින් නොගත්තේ නම් ගත්තේ බාගයක්ද කාලක්ද කියා කිව යුතු බවද ඔහු කීය.