දෙමළ දේශපාලන පක්ෂ සහ දෙමළ නායකයින් ඉදිරියට පැමිණීම වැළැක්වීමට එක්සත් ජාතික පක්ෂය සූක්ෂමව කටයුතු කරන බවට ජාතික සහජීවන සංවාද හා රාජ්‍ය භාෂා අමාත්‍ය මනෝ ගනේෂන් මහතා චෝදනා කරයි.
ඉදිරියට පැමිණෙන දෙමළ දේශපාලන පක්ෂ තමන්ට සහය දැක්විය යුතුය යන මතයේ එක්සත් ජාතික පක්ෂය සිටින බවත්, එය ඔවුන්ගේ උපායක් බවත් ඇමතිවරයා සදහන් කළේ ඊයේ යාපනයේ පැවති මාධ්‍ය හමුවකට එක්වෙමිනි.
මේ අතර 21 වන ආණ්ඩුක්‍රම ව්‍යවස්ථා සංහෝධනය ලෙස දෙමළ භාෂාව පාලන භාෂාවක් බවට පත් කරන යෝජනාවක් තමන් ගෙන ඒමට කටයුතු කරන බවත්, දෙමළ ජනතාවගේ අනාගතය වෙනුවෙන් ආර් සම්බන්ධන් වගේම විග්නේෂ්වරන් එක්ව සාකච්ඡා කළ යුතු යැයිද අමාත්‍යවරයා එහිදී කියා සිටියේය.