පාකිස්ථානයේ, ඉස්ලාම්බාද් නුවර රාජ්‍යතාන්ත්‍රික පරිශ්‍රයේ පිහිටි ජාත්‍යන්තර බෞද්ධ මධ්‍යස්ථානය නැවත ප්‍රතිෂ්ඨාපනය කිරීම ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් ඊයේ (23) පස්වරුවේ සිදු විය.
පාකිස්ථාන ජනාධිපති මම්නුන් හුසේන් මැතිතුමාගේ විශේෂ නිල ආරාධනය පරිදි පාකිස්ථානයේ දෙදින නිල සංචාරයක නිරත ජනාධිපතිතුමා එරට පිහිටි එකම ක්‍රියාකාරී බෞද්ධ විහාරස්ථානය වන ජාත්‍යන්තර බෞද්ධ මධ්‍යස්ථානය වෙත අද පස්වරුවේ පැමිණියේය.
පළමුව ආගමික වතාවත්වල නිරතව ආශිර්වාද ලබාගත් ජනාධිපතිතුමා එම විහාර පරිශ්‍රයේ නිරීක්ෂණ චාරිකාව ද නිරත විය.
ඉන් අනතුරුව මහා සංඝරත්නයේ සෙත් පිරිත් සජ්ජායනා මධ්‍යයේ සමරු ඵලකය නිරාවරණය කර බෞද්ධ මධ්‍යස්ථානය නැවත ප්‍රතිෂ්ඨාපනය කරනු ලැබීය.
ඡායාරූප – ජනාධිපති මාධ්‍ය අංශය
