මැලේසියාවේ සිටින උතුරු කොරියානුවන්ට රටින් පිටවීම තහනම් කිරීමට එරට රජය අද පියවර ගත්තා. ඒ, උතුරු කොරියාව විසින් එරට සිටින මැලේසියානු ජාතිකයින්ට රටින් පිටවීම තහනම් කිරීමට ප්‍රතිචාර දක්වමින්.
ඊට පෙර මැලේසියාව උතුරු කොරියානුවන්ට ලබා දී තිබූ වීසා බලපත් සහනය අවලංගු කළා. ඒ, උතුරු කොරියානු නායකයාගේ සහෝදරයා වන කිම් ජොං නාම් ක්වාලාලම්පූර් ගුවන් තොටුපළේදී ඝාතනයට ලක්වීමේ සිද්ධියෙන් අනතුරුවයි.
සිද්ධිය පිළිබදව චෝදනා එල්ල වන්නේ උතුරු කොරියානු නායකත්වයටයි.