ශ්‍රී ලංකාවේ මුස්ලිම් ජනතාවට ආරක්ෂාව සපයන ලෙස ඉල්ලා මුස්ලිම් මන්ත්‍රීවරුන් විසින් අද (06) පාර්ලිමේන්තුවේ දී විරෝධතාවයක් ආරම්භ කරනු ලැබුවා.
අමාත්‍ය රිෂාඩ් බදියුර්දීන් ප්‍රමුඛ මුස්ලිම් මන්ත්‍රීවරුන් පිරිසක් පාර්ලිමේන්තු සභා ගර්භය මැදට පැමිණ බිම අසුන්ගෙන මෙම විරෝධතාවයේ නිරත වුණා.
මෙහිදී අදහස් දැක්වූ අමාත්‍යවරයා කියා සිටියේ මෙරට ජීවත් වන සියළු ජනතාව සහජීවනයෙන් ජීවත් වීමේ අයිතියක් ඇති බවයි.
එමෙන්ම මෙරට ජීවත්වන සුළුතර ජනතාවගේ ආරක්ෂාව තහවුරු කිරිම රජයේ වගකීම බවත් රට තුළ සාමය අපේක්ෂාවෙන් තමන් වත්මන් ආණ්ඩුව බලයට ගෙන ආ බවත් ඔහු කියා සිටියා.
එමෙන්ම තමන්ට අවශ්‍ය ආරක්ෂාව සපයන බවත් ඉදිරියේ දී මෙවැනි සිදුවීමක් සිදු නොවන්නට වගබලා ගන්නා බවත් ජනාධිපතිවරයා සහතික වී ඇති බවයි අමාත්‍යවරයා මෙහිදී පැවසුවේ.
එසේ නොවන කළ එදා දෙමළ ජනතාවගේ විමුක්තිය උදේසා ඔවුන් අවි අතට ගත් ආකාරයට තමන්ට ද එවැනි දෙයක් සිදු කිරිමට ඉඩ නොතබන ලෙසත් අමාත්‍ය රිෂාඩ් බදියුර්දීන් සඳහන් කළා.
එම අවස්තාවේ දර්ශන පහතින් ,