මුළු දිවයිනටම පනවා තිබූ ඇඳිරි නීතිය ඉවත් කිරීමත් සමඟ කාර්යාල දුම්රිය රැසක් අද උදෑසන ප්‍රමාද වී ධාවනය කිරීමට සිදුවූ බව දුම්රිය දෙපාර්තමේන්තුව සඳහන් කරයි.
ඇඳිරි නීතිය හේතුවෙන් රියදුරන් රැසකට උදෑසන රාජකාරියට වාර්තා කිරීමට නොහැකිවී ඇති බව දුම්රිය ගමනාගමන අධිකාරී ගාමිණී සෙනවිරත්න පවසයි.
උදෑසන 7.30 දක්වා ධාවනය කිරීමට හැකිවූයේ කාර්යාල දුම්රිය 5 ක් පමණක් බව දුම්රිය ප්‍රධාන පාලක මැදිරිය සඳහන් කරයි.
අද මුහුදුබඩ දුම්රිය මාර්ගයේදී ද දැඩි තදබදයක් ඇති වී තිබෙන බව වාර්තා වෙනවා.
ඇතැම් ප්‍රදේශවල මගී බස් රථ ධාවනය අඩුවීම හේතුවෙන් මගීන් අපහසුතාවට පත්වීමේ සිද්ධීන් වාර්තා වනවා.