නැගෙනහිර පළාත් ප්‍රධාන අමාත්‍ය නෂීර් අහමඩ් මහතා නාවික නෞකා විදුර කඳවුර භාර අණදෙන නිලධාරීවරයා අපහසුතාවට පත්වන අයුරින් සිදුකළ ප්‍රකාශය කිසිසේත් අනුමත නොකරන බව ආරක්ෂක රාජ්‍ය අමාත්‍ය රුවන් විජයවර්ධන මහතා නිවේදනයක් නිකුත් කරමින් පවසයි.
එම අවාසනාවන්ත සිදුවීම සිදුවන අවස්ථාවේදීද නාවික හමුදාව සිදුකල මෙහෙය පිළිබඳව නැගෙනහිර පළාත් ප්‍රධාන අමාත්‍යවරයා අවබෝධයකින් පසුවූයේද යන්න සැක සහිත බවද එහිදී විජයවර්ධන මහතා පවසා සිටියි.
වගකිවයුතු තනතුරක් දරන දේශපාලඥයෙකු ලෙස ඒ මහතාට යම් ගැටලුවක් එම උත්සවය පැවැති අවස්ථාවේ පැනනැඟී තිබුණේ නම් බුද්ධිමත්ව එය විසඳාගත යුතුව තිබූ බව තම හැඟීම බවද ආරක්ෂක රාජ්‍ය අමාත්‍ය රුවන් විජයවර්ධන මහතාගේ නිවේදනයේ වැඩිදුරටත් සඳහන් වෙයි.
.jpg)