ජනාධිපති මෛත්‍රීපාල සිරිසේන මහතා ඝාතනය කිරීමේ කුමන්ත්‍රණ සැලසුමක් ක්‍රියාත්මක වී ඇති බවට සැකයක් මතුව ඇතැයි එක්සත් ජනතා නිදහස් සන්ධාන මහ ලේකම් ඇමති මහින්ද අමරවීර මහතා පවසයි.
බොරැල්ලේ පිහිටි එක්සත් ජාතික පක්‍ෂ ඇමතිවරයෙකුගේ නිවසේදී හිටපු ඇමති බැසිල් රාජපක්‍ෂ, පාර්ලිමේන්තු මන්ත්‍රී ප්‍රසන්න රණතුංග යන අය විසින් මෙම සැලසුම සකස් කර ඇති බවට සැකයක් ඇතැයිද ඇමතිවරයා සදහන් කරයි.
කෙසේ වෙතත් මේ සම්බන්ධයෙන් හරියටම තොරතුරු නැති නිසා පොලීසියට පැමිණිලි කල නොහැකි යයිද ඔහු සදහන් කලේය.
ජනාධිපතිවරයාට මෙසේ ජීවිත තර්ජන පවා එල්ල වන්නේ දිගින් දිගටම දුෂිතයන්ට එරෙහිව ක්‍රියාත්මක වීම නිසා යයිද ඔහු එහිදී වැඩි දුරටත් පැවසීය.
ඇමතිවරයා මේ බව සඳහන් කලේ තංගල්ලේදී පැවති සන්ධාන ජනහමුවක් අමතමිනි.