7 April 2025
Colombo Today Local News

හිරුණිකාට එරෙහි නඩුව ජුනි 7 දා විභාගයට ගනී

දෙමටගොඩ ප්‍රදේශයේ තරුණයකු පැහැරගෙන ගොස් රඳවා තබා තර්ජනය කළ බවට චෝදනා එල්ල වී සිටින පාර්ලිමේන්තු මන්ත්‍රිනි හිරුණිකා ප්‍රේමචන්ද්‍ර මහත්මියට එරෙහිව ගොනු කර ඇති නඩුව ජුනි මස 07 වැනිදා විභාගයට ගැනීමට කොළඹ මහාධිකරණ විනිසුරු ආර්. ගුරුසිංහ මහතා නියෝග කළේය.

මෙම නඩුව කැඳවූ අවස්ථාවේදී හිරුණිකා ප්‍රේමචන්ද්‍ර මන්ත්‍රිවරිය ඇතුළු විත්තිකරුවන් 08 දෙනා අධිකරණයේ පෙනී සිටියහ.

මෙම නඩුවේ හිරුණිකා ප්‍රේමචන්ද්‍ර හැර සෙසු විත්තිකරුවන් 07 දෙනා මීට පෙර අධිකරණය හමුවේ වරද පිළිගෙන තිබූ අතර ඉන් 05 දෙනකු වන්දි හා දඩ මුදල් ගෙවා අවසන් කර ඇති බවත් සෙසු විත්තිකරුවන් දෙදෙනාට වන්දි මුදල් ගෙවීම සඳහා කල් ලබා දෙන ලෙසත් විත්තියේ නීතිඥවරු අධිකරණයෙන් ඉල්ලා සිටියහ.

ඒ අනුව දඩ මුදල් සහ වන්දි මුදල් ගෙවා අවසන් වූ විත්තිකරුවන් 05 දෙනා මුදා හැරීමට නියෝග කළ මහාධිකරණ විනිසුරුවරයා සෙසු විත්තිකරුවන් දෙදෙනාට වන්දි මුදල් ගෙවීම සඳහා මාර්තු මස 14 වැනිදා තෙක් කල් ලබා දුන්නේය.

අනතුරුව විත්තිකාර හිරුණිකා ප්‍රේමචන්ද්‍ර මහත්මියට එරෙහිව ගොනු කර ඇති චෝදනා විභාග කිරීම සඳහා කොළඹ මහාධිකරණය නියම කළේය.

2015 වසරේ දෙසැම්බර් මස 21 වැනිදා හෝ ඊට ආසන්න දිනයකදී කොළඹ, දෙමටගොඩ ප්‍රදේශයේ වෙළෙඳසලක සේවය කළ අමිල ප්‍රියංකර අමරසිංහ නමැති තරුණයකු පැහැරගෙන ගොස් රඳවා තබා තර්ජනය කළේ යැයි චෝදනා කරමින් හිරුණිකා ප්‍රේමචන්ද්‍ර මන්ත්‍රිවරිය ඇතුළු විත්තිකරුවන්ට එරෙහිව නීතිපතිවරයා මෙම නඩුව පවරා තිබේ.

Related posts

රාජ්‍යය අමාත්‍යය චාමර සම්පත් ගුටි කෑ පොස්පේට් සේවකයාගේ වැඩ තහනම් කරයි

Admin

“උරුලෑවෙක් වගේ තැන තැන ගඳ ගස්සවනු එපා” – ඇමති යාපාත් එජාපයේ ක්‍රෝධයට ලක්වෙයි !

colombotoday

සමලිංගික විවාහ නීතිගත කිරීමට සූදානම්… පනත ළගදීම පාර්ලිමේන්තුවට !

colombotoday

විපක්ෂ නියෝජිතයින් පත් නොකිරීම නිසා ආංශීක අධීක්ෂණ කාරක සභා සක්‍රිය කිරීමට නොහැකියි – ජනපතිට කතානායකගෙන් පිළිතුරු

Admin

නැවත දැනුම්දෙන තුරු කෝප් කමිටු රැස්වීම් අත්හිටුවයි

Admin

රජය විසින් ආරම්භ කල එළවලු මිලදී ගැනීමේ වැඩපිළිවෙළ සාධනීයයි – ජනතා විමුක්ති පෙරමුණ

colombotoday