වතු නිවසා සහ ප්‍රජා සංවර්ධන රාජ්‍ය අමාත්‍ය අරවින්ද කුමාර් මහතාගේ තලවකැලේ, ලිඳුල, මෙරාය ප්‍රදේශයේ පිහිටි නිවස ඉදරිපිටට එක්රැස් වු වතු කම්කරුවන් පිරිසක් රාජ්‍ය අමාත්‍ය ධුරයෙන් වහාම ඉවත්වන ලෙස ඉල්ලමින් ටයර් පුළුස්සමින් අද (28) විරෝධතාවයක නිරතවුහ.
වත්මන් රජයේ අවිධිමත් පාලනය හේතුවෙන් වතු කම්කරුවන් දැඩි අපහුසතාවයන්ට හා ආර්ථික දුෂ්කරතාවයන්ට ලක්ව ඇති අවස්ථාවක රජයේ රාජ්‍ය අමාත්‍ය ධුරයක් ලබා ගැනීම පිළිකුල් සහගත ක්‍රියාවක් බවත්, වහාම රාජ්‍ය අමාත්‍ය ධුරයෙන් ඉවත්වන ලෙස විරෝධතාවයේ නිරත පිරිස් මෙහෙදී පැවැසුහ.
ජනාධිපතිවරයාට හා රජයට මෙන්ම රාජ්‍ය අමාත්‍යවරයාට එරෙහිව විවිධ සටන්පාඨ ප්‍රදර්ශණය කරමින් හා කෑ ගසමින් වතු කම්කරුවන් මෙහෙදී විරෝධය පාන ලද අතර එහෙදී වතු කම්කරුවන් හා පොලීසිය අතර උණුසුම්කාරී තත්තවයක්ද ඇතිවිය.
ලිඳුල පොලීසිය විසින් රාජ්‍ය අමාත්‍යවරයාගේ නිවසට හා ඒ අවට ප්‍රදේශයට දැඩි පොලිස් ආරක්ෂාවක් යොදවා තිබිණි.
ක්‍රිෂාන්තන්