පසුගිය වසර 10 තුළ ශ්‍රී ලංකාව රුපියල් ට්‍රිලියන 10 (රුපියල් කෝටි ලක්ෂයක්) ක මුදලක් විදෙස් ණය ලෙස ලබා ගෙන ඇතැයි ජනාධිපති මෛත්‍රීපාල සිරිසේන මහතා පවසයි.
රුපියල් ට්‍රිලියන 10 ක් විදෙස් ණය ලෙස ලබා ගෙන ඇතත් මුදල් අමාත්‍යාංශ ලේඛන මගින් වත්කම් ලෙස පෙන්වීමට හැක්කේ රුපියල් ට්‍රිලියන 01 ක් පමණක් බව ජනාධිපතිවරයා කියා සිටී.
ජනාධිපතිවරයා මේ බව කියා සිටියේ ඊයේ (26 දා) ජනාධිපති මන්දිරයේ පැවති මාධ්‍ය ප්‍රධානීන්ගේ හමුවේදී ය.
පසුගිය වසර 03 ක කාලය තුළ දීද රජයේ ආදායම් සූක්ෂම ලෙස වෙනත් පෞද්ගලික සමාගම් වලට හැරවීම සම්බන්ධ තොරතුරුද මේ වන විට හෙළිව ඇති බවත්, පසුගිය වසරවල අයවැයෙන් වෙන්කල මුදල් වලින්ද භාවිතාකර ඇත්තේ 40%-60% අතර ප්‍රමාණයක් බව ජනාධිපතිවරයා වැඩිදුරටත් කියා සිටියේය.