එක්සත් ජාතික පක්ෂය සහ ශ්‍රී ලංකා නිදහස් පක්ෂය අතර මේ වන විට හටගෙන තිබෙන දේශපාලන ආරවුල සමථයකට පත්කිරීම සදහා බටහිර ප්‍රබල රටවල් හතරක තානාපති අංශ මැදිහත් වී ඇතැයි දේශපාලන ආරංචිමාර්ග පවසයි.
මේ සදහා තානාපති අංශ යොමුකර ඇත්තේ දෙමළ ජාතික සන්ධානයේ ප්‍රධානීන් යැයි පැවසේ. එජාපය සහ ශ්‍රීලනිපය අතර විරසයක හේතුවෙන් යම් හෙයකින් යහපාලන රජය බිදවැටුණහොත් එය යෝජිත නව ආණ්ඩුක්‍රම ව්‍යවස්ථාව සම්මතකරගැනීමට නොහැති වාතාරණයක් උද්ගතවන බැවින් කඩිනමින් මැදිහත් වී ප්‍රශ්නය විසදන ලෙස ද්‍රවිඩ සන්ධානය තානාපති අංශවලට බලපෑම් කර තිබේ.
ඒ අනුව තානාපති අංශ එජපයේ සහ ශ්‍රීලනිපයේ ප්‍රබලයන් හමුවී උද්ගතව ඇති දේශපාලන මත ගැටුම සමථයකට පත්කරගැනීමට කටයුතු කරන්නැයි දන්වා ඇති බවද ආරංචිමාර්ග කියා සිටී.