අමතර වරප්‍රසාද ලබා නොගෙන රට වෙනුවෙන් උපරිමයෙන් කැපවී වැඩ කරන්නැයි ජනාධිපති ගෝඨාභය රාජපක්ෂ මහතා නව අමාත්‍යවරුන්ගෙන් අද(18)දින ඉල්ලීමක් කළේය.
ඔහු මෙම ඉල්ලීම කළේ නව අමාත්‍ය මණ්ඩලය දිවුරුම් දීමෙන් පසු එම අමාත්‍යවරුන් අමතා ප්‍රකාශයක් කරමිනි.
අවංක කාර්යක්ෂම පිරිසුදු පාලනයකට කැප වන ලෙසටද ජනාධිපතිවරයා නව අමාත්‍යවරුන් ගෙන් මෙහිදී ඉල්ලා සිටියේය.
බොහෝ ආයතන අද පවතින්නේ දැඩි මූල්‍ය අර්බුදයක බව පැවසූ රාජපක්ෂ මහතා එය නිවැරදි කරන්නැයිද ඉල්ලීමක් කළේය.
ජනතාව ඉල්ලන සිස්ටම් චේන්ග් එකටත් නව ඇමතිවරුන්ට අවස්ථාව තිබෙන බව ජනාධිපතිවරයා වැඩිදුරටත් කීවේය.