සමගි ජන බලවේගය විසින් ආණ්ඩුවට එරෙහිව ගෙනඑන විශ්වාසභංගය සහ ජනාධිපතිවරයාට එරෙහිව ගෙනඑන දෝෂාභියෝගයට විපක්ෂ නායක සජිත් ප්‍රේමදාස මහතා සිය අත්සන තබා තිබේ.
විපක්ෂ නායක සජිත් ප්‍රේමදාස මහතා ඊයේ (12)දින සිය මන්ත්‍රී කණ්ඩායම සමග විපක්ෂ නායක කාර්යාලයේදී ඊට අත්සන් තබා ඇත.
ආණ්ඩුවට එරෙහිව මහපාරේ අරගල කරන ජනතාවගේ හදගැස්ම සමග සමගි ජන බලවේගය එකට හිටගන්න බව එහිදී විපක්ෂ නායක සජිත් ප්‍රේමදාස මහතා සදහන් කර ඇත.
ඒ වෙනුවෙන් පාර්ලිමේන්තුවේදී ගත හැකි සියලු ප්‍රජාතන්ත්‍රවාදී ජයග්‍රහණය ලබාගැනීම උදෙසා කටයුතු කරන බවද විශ්වාසභංගයට සහ දෝෂාභියෝගයට අමතරව විසි වැනි සංශෝධනය ආපසු හරවා 19 වැනි සංශෝධනය නැවත ක්‍රියාත්මක කිරීම සහ ව්‍යවස්ථාමය ක්‍රියාමාර්ග හරහා සියලු ප්‍රජාතන්ත්‍රවාදයේ ජයග්‍රහණය ලබාගැනීම වෙනුවෙන් අරගල කිරීම සිදුකරන බවද විපක්ෂ නායක සජිත් ප්‍රේමදාස මහතා වැඩි දුරටත් සදහන් කර ඇත.