දිවයින පුරා රජයේ රෝහල්වල වෛද්‍යවරු 4000ක් පමණ හිඟ බව සෞඛ්‍ය අමාත්‍යාංශය පවසයි.
සෞඛ්‍ය සේවා ආධ්‍යක්ෂ ජනරාල් වෛද්‍ය අසේල ගුණවර්ධන මහතා සඳහන් කළේ, සෑම වසරකම වෛද්‍යවරු 1000ක් පමණ විශ්වවිද්‍යාලවලින් පිටවන බවය.
ඉන් කොටසක් පෞද්ගලික අංශයට සේවයට යන බවත්, තවත් කොටසක් උසස් අධ්‍යපනය සඳහා විදේශ ගතවන බව ද සෞඛ්‍ය සේවා අධ්‍යක්ෂ ජනරාල්වරයා ප්‍රකාශ කළේය.
ඔහු සඳහන් කළේ, විදේශ ගතවන ඇතැම් වෛද්‍යවරු නැවත මෙරටට නොපැමිණෙන බවය.