පසුගියාදා එජාප “සිරිකොත“ මූලස්ථානයේ පැවති මාධ්‍ය හමුවකදී ජනාධිපතිවරයා දැඩිව විවේචනය කළ රාජ්‍ය ඇමති සුජීව සේනසිංහ මහතා සම්බන්ධයෙන් විනය පියවරක් ගන්නැයි ශ්‍රීලනිප අමාත්‍යවරුන් කිහිප දෙනෙකු මලික් සමරවික්‍රම ඇමතිවරයා මාර්ගයෙන් අගමැති රනිල් වික්‍රමසිංහ මහතාට දැනුම් දී තිබේ.
සේනසිංහ මහතා විසින් කල ප්‍රකාශයන් සම්බන්ධයෙන් ජනාධිපතිවරයා බලවත්සේ කනස්සල්ලට පත්ව සිටින බවත්, ඔහු සම්බන්ධයෙන් ඕනෑම විටෙක ප්‍රතිචාර දැක්වීමට ශ්‍රීලනිප ඇමතිවරුන් සූදානමින් සිටින බවත් එම ඇමතිවරුන් අගමැතිවරයාට දැනුම් දී තිබේ.
අගමැතිවරයා ඉන්දීය සංචාරය අවසන් කර මෙරටට පැමිණි පසු සුජීව සේනසිංහ මහතා සම්බන්ධයෙන් සාකච්ඡා කර තීරණයක් ගන්නා බව සමරවික්‍රම මහතා ශ්‍රීලනිප ඇමතිවරුන්ට පවසා ඇත.