විදේශිකයන්ට ඇමරිකාවට සංක්‍රමණය වීම සඳහා අවසර ලබා දෙන ග්‍රීන් කාඩ් ලොතරැයිය අහෝසි කිරීමට ඇමරිකානු ජනාධිපති ඩොනල්ට් ට්‍රම්ප් තීරණය කර ඇත.
මේ සඳහා ආසන්නතම හේතුව වී ඇත්තේ පසුගිය 31 වෙනිදා නිව්යෝර්ක් හි මෑන්හැට්න් ප්‍රදේශයට එල්ල වූ ත්‍රස්ත ප්‍රහාරය එල්ල කළ සයිෆුල්ලෝ සයිෆර් නම් විසිනම හැවිරිදි පුද්ගලයා ග්‍රීන් කාඩ් ලොතරැයිය මඟින් ඇමරිකාවට සංක්‍රමණය වූවකු වීමය.
උස්බකිස්තාන ජාතිකයෙකු වන ඔහු ඇමරිකාවට සංක්‍රමණය වී ඇත්තේ 2010 වසරේය.
1995 වසරේ අරඹන ලද ග්‍රීන් කාඩ් ලොතරැයිය සඳහා වාර්ෂිකව ලොව පුරා මිලියන දාහතරක් අයදුම් කරන බව පැවසේ. ඒ වෙනුවට විදේශිකයන්ට ඇමරිකාවට සංක්‍රමණය වීම සඳහා වෙනත් සුදුසු ක්‍රමයක් ඉදිරියේ දී හඳුන්වාදීමට කටයුතු යොදන බව පැවසේ.