මේ දිනවල පැවැත්වෙන ජිනීවා මානව හිමිකම් සමුළුවේදී ද දශක තුනක් තිස්සේ පැවැති කුරිරු යුද්ධය නිමා කරමින් ශ්‍රී ලංකාවට සාමය ගෙනා රණවිරුවන්ට යුද අපරාධ චෝදනා එල්ල කිරිමේ උත්සාහයක් කොටි හිතවාදී ඩයස්පෝරාවෙන් විසින් දරමින් සිටි. කෙසේ වෙතත් මෙම ව්‍යාජ ප්‍රචාර වලින් ශ්‍රී ලංකාව ආරක්ෂා කිරීමට විදෙස්ගත ශ්‍රී ලාංකිකයන් එක්ව පිහිටුවාගත් ගෝලීය ශ්‍රී ලංකා සංසදයේ සාමාජිකයන් මානව හිමිකම් සමුලුවට සමගාමීව ශ්‍රි ලංකාව පිළිබදව වන වාද විවාද වලට සහභාගී වෙමින් ශ්‍රී ලංකාව වෙනුවෙන් පෙනි සිටින්නේ කිසිදු ප්‍රථිලාභයකින් තොරවය.
එලෙස සිදුවු විවාදයකදී තමිල්නාඩුවේ කොටි හිතවාදී දේශපාලන නායකයකු වන වයිකෝ සහ ගෝලීය ශ්‍රී ලංකා සංසදයේ අනුරාධා යහම්පත් මහත්මිය අතර මානව හිමිකම් සමුළුව පැවැත්වෙන අතරවාරයේ දැඩි බහින්බස්‌ වීමක්‌ සිදුව තිබේ. වයිකෝ මානව හිමිකම් සමුලුව අමතමින් ශ්‍රී ලංකාවේදී ජාති සංහාරයක්‌ සිදු වූ බව පැවසීමෙන් පසු අනුරාධා යහම්පත් මහත්මිය වයිකෝ අසලට ගොස්‌ “නුඹ තමිල්නාඩුවේ පුරවැසියෙක්‌ නිසා ශ්‍රී ලංකාව ගැන හඬනඟන්නේ කෙසේ” දැයි ප්‍රශ්න කර ඇත්තේ වයිකෝ දැඩි අපහසුතාවයකට පත් කරමින්ය.
එම ප්‍රශ්නයෙන් දැඩි ලෙස කෝපයට පත්ව ඇති වයිකෝ මද වේලාවක් නිහඩව සිට ඉන් ශ්‍රී ලංකා හමුදාව ද්‍රවිඩ කාන්තාවන්ට අතවර කළ බව සමුළුව හමුවේ කියා ඇත. කෙසේ නමුත් එම චෝදනාවද අසත්‍ය බව ඔප්පු කිරීමට ගෝලීය ශ්‍රී ලංකා සංසදය සමත්ව තිබේ.
රියර් අද්මිරාල් සරත් වීරසේකර, ආචාර්ය නාලක ගොඩහේවා ඇතුළු පිරිසක් ගෝලීය ශ්‍රී ලාංකික සංසදය නියෝජනය කරමින් ජිනීවාහීදි මේ අවස්ථාව වන විටත් මාතෘ භූමිය වෙනුවෙන් විශාල මෙහෙවරක නිරත වෙමින් සිටිති.
[fbvideo link=”https://www.facebook.com/sanjeewa.dodantenne/videos/1661569930546966/” width=”500″ height=”400″ onlyvideo=”1″]