අධිකරණ හා බුද්ධ ශාසන අමාත්‍ය විජයදාස රාජපක්ෂ මහතා අමාත්‍ය තනතුරෙන් ඉවත් කළ යුතු බවට එක්සත් ජාතික පක්ෂයේ ප්‍රබල නියෝජ්‍ය අමාත්‍යවරයෙකු ජනාධිපති මෛත්‍රීපාල මහතාගෙන් ඉල්ලා ඇත.
අග්‍රාමාත්‍ය රනිල් වික්‍රමසිංහ මහතාද හමුවී විජයදාස රාජපක්ෂ මහතා අමාත්‍ය ධුරයෙන් ඉවත්කළ යුතු යැයි අවස්ථා දෙකකදීම මෙම නියෝජ්‍ය ඇමතිවරයා දැනුම් දී ඇතැයිද පැවසේ.
මේ පිළිබදව කඩිනමින් පියවරක් නොගතහොත් එජාපයේ පාර්ලිමේන්තු මන්ත්‍රීවරුන් කණ්ඩායමක් ඉදිරියේදී දැඩි ක්‍රියාමාර්ගයක් ගන්නා බවද නායක දෙපළ දැනුවක් කර ඇත.
වත්මන් රජය බලයට පත්කිරීම සදහා උදවු උපකාර කළ සිවිල් සංවිධාන සහ පුද්ගලයන්ට දැඩි ලෙස දෝෂාරෝපනය කරමින් විජයදාස රාජපක්ෂ මහතා විවිධ ක්‍රියාමාර්ග සිදුකිරීම මෙයට එක් හේතුවක් බවද සදහන් වේ.
එමෙන්ම පසුගිය රජය සමයේ සිදුවූ දූෂණ, වංචා සම්බන්ධ විමර්ශන වාර්තා නීතිපති දෙපාර්තමේන්තුවට යොමුවී තිබුණද එම වාර්තා සම්බන්ධ අධිකරණ ක්‍රියාවලීන් මන්දගාමී ස්වරූපයෙන් සිදුවීමත් එම විමර්ශන සදහා අමාත්‍යවරයාගේ මැදිහත්වීමක් ඇති බවටත් වන චෝදනා හේතුවෙන් ධුරයෙන් ඉවත්කළ යුතු බවතටත් හෙතෙම පවසා තිබේ.
එක්සත් ජාතික පක්ෂ පාර්ලිමේන්තු කණ්ඩායමේ බහුතර මතය මෙය බවද අදාල නියෝජ්‍ය ඇමතිවරයා ජනාධිපතිවරයාට සහ අගමැතිවරයාට පවසා ඇත.
හම්බන්තොට වරාය චීන සමාගට බදු දීමට එරෙහිව විජේදාස රාජපක්ෂ ඇමතිවරයා කැබිනට් මණ්ඩලයේදී මෙන්ම පාර්ලිමේන්තුවේදීද දැඩි විරෝධය පලකර සිටියේය.