Colombo Today Local News

ශ්‍රී ලංකාවේ නම වෙනස්විය යුතුයි – ගම්මන්පිල

බුද්ධාගම ශ්‍රී ලංකාවේ රාජ්‍ය ආගම බවට පත්කිරීම, ජනාධිපති ධුරයේ වාර සීමාව ඉවත් කිරීම සහ ජනපතිවත් මහ මැතිවරණයෙන්ම තෝරාපත් කරගැනීම ඇතුළු නිර්දේශ ඇතුළත් යෝජනාවලියක් යෝජිත නව ආණ්ඩුක්‍රම ව්‍යවස්ථා සම්පාදන විශේෂඥ කමිටුව වෙත ඉදිරිපත් කරන බව පිවිතුරු හෙළ උරුමය පවසයි.

එහි නායක අමාත්‍ය උදය ගම්මන්පිල මහතා ප්‍රකාශ කළේ මේ වනවිටත් අදාළ විශේෂඥ කමිටුව යෝජනා කෙටුම්පත් කරමින් සිටින බවය.

“මුලින්ම අපි යෝජනා කරන්නේ ශ්‍රී ලංකාවේ නම වෙනස්විය යුතු බවයි. දැන් කියන්නේ ප්‍රජාතාන්ත්‍රික සමාජවාදී ශ්‍රී ලංකා ජනරජය. රටේ නම ශ්‍රී ලංකා ජනරජය ලෙස වෙනස්විය යුතුයි. ඒ වගේම ශ්‍රී ලංකා රාජ්‍ය සහ බුදුදහම අතර පවතින සුවිශේෂී බැඳීම පිළිබිඹු වන ආකාරයෙන් බුද්ධාගම ශ්‍රී ලංකාවේ රාජ්‍ය ආගම බවට පත්කළ යුතුයි. විධායක ජනාධිපති ධූරය තවදුරටත් රැකගත යුතුයි. හැබැයි ජනාධිපති ධූරය පාර්ලිමේන්තුවට වගකියන අධිකරණයට යටත් ධූරයක් බවට පත් කළ යුතුයි. ජනාධිපතිවරණය අහෝසි කරලා පාර්ලිමේන්තු මැතිවරණයේදී ජයග්‍රහණය කරන පක්ෂයේ ජනාධිපති අපේක්ෂකයා ජනාධිපති ධූරය භාර ගන්නවා. ජනාධිපති ධූරයට තියෙන වාර සීමාව ඉවත්කළ යුතුයි. සියලුම පුද්ගල සහ ප්‍රාදේශීය නීති අහෝසි කරලා ඒක රටක් ඒක නීතියක් යටතේ සමස්ත ජනතාවම පාලනය විය යුතුයි කියලා අපි යෝජනා කරනවා.”

Related posts

නෞකාවේ ගින්න ගැන කාපිතාන් ඇතුළු පිරිසගෙන් ප්‍රකාශ ගැනීම හෙට. | සාම්පල රස පරීක්ෂකට යවයි.

colombotoday

රනිල්ට උපදෙස් දුන් සමාගමකට ගෙවන්න ‘රුපියල් කෝටි 12ක්’ ආණ්ඩුවෙන් ඉල්ලයි

colombotoday

ජනාධිපති කාර්යාලය අසල උණුසුම් තත්ත්වයක්…

colombotoday

මෙවර ගිණිකෙළි අනතුරු නැති අලුත් අවුරුද්දක්

colombotoday

නයිජීරියාව ඇතුලූ රටවල් 11 සඳහා ශ්‍රී ලංකා විසා නීති තද කරයි

colombotoday

සුළි කුණාටුවේ අවදානමෙන් නැගෙනහිර පාසල් දින 3ක් වසා දැමීමට තීරණයක්

colombotoday