අනාගතයේ ඇතිවිය හැකි ගබ්ගෙල පිළිකා වැළාක්වීමට සෞඛ්‍ය අමාත්‍යාංශයේ වසංගත රෝග විද්‍යා අංශයෙන් ක්‍රියාත්මක කරන ජාතික ප්‍රතිශක්තිකරණ වැඩසටහන යටතේ ‘හියුමන් පැපිලෝමා‘ වයිරස එන්නත පාසල්වල 6 ශ්‍රේණියේ ඉගැනුම ලබන ගැහැණු දරුවන්ට එන්නත් කිරීම හෙට (03) සිට ආරම්භ කරන බව සෞඛ්‍ය අමාත්‍යංශය ප්‍රකාශ කරයි.
එම වැඩසටහන කෑගල්ල, ගම්පහ, කිළිනොච්චි යන දිස්ත‍්‍රික්කවලින් ආරම්භ කිරීමට නියමිත ය. වයස අවුරුදු 9 ත් 13 ත් අතර ගැහැණු දරුවන්ට මෙම එන්නත ලබාදිය යුතු අතර සෑම වසරකම එන්නත් මාත‍්‍රා දෙකක් වශයෙන් එන්නත් කළ යුතු වෙයි.
එක් එන්නතක් ලබාදී මාස 6 කට පසුව අනෙක් එන්නත ලබාදීම සිදුකෙරේ. දිස්ත‍්‍රික්ක තුනකින් ඇරැඹෙන මෙම ව්‍යාපෘතිය දිවයිනපුරා ව්‍යාප්ත කිරීමට සෞඛ්‍ය අමාත්‍යාංශය බලාපොරොත්තුවේ.