පාර්ලිමේන්තුවේ මන්ත්‍රීවරුන් 225 කගේ දීමනා සදහා පසුගිය 2016 වර්ෂයේදී රුපියල් 258,582,312.82 ක මුදලක් වැයකර ඇති බව පාර්ලිමේන්තුවේ තොරතුරු අනාවරණය කරයි.
පාර්ලිමේන්තුව සාමාන්‍යයෙන් මාසයකට දින 08 ක් පවත්වනු ලබන අතර, පාර්ලිමේන්තු මන්ත්‍රීවරයකු වෙනුවෙන් දීමනා සඳහා දිනකට වැයවන මුදල රුපියල් 12 ,008.09 කි.
එම තොරතුරු අනුව පාර්ලිමේන්තු මන්ත්‍රීවරයකු වෙනුවෙන් දීමනා වෙනුවෙන් මාසයකට රුපියල් 97,065.43 ක මුදලක් වැය කරන අතර වසරකට රුපියල් 1,164,785.20 ක් වැය කර ඇතැයි පාර්ලිමේන්තු තොරතුරු වාර්තා දක්වා තිබේ.
වත්මන් පාර්ලිමේන්තුවේ මන්ත්‍රීවරුන් 225 ක් සිටින අතර, ඔවුන් සියලු දෙනා වෙනුවෙන් දීමනා සඳහා දිනකට වැය කරන මුදල 2,665,797.04 කි. ඒ අනුව පාර්ලිමේන්තු මන්ත්‍රීවරුන් වෙනුවෙන් දීමනා සඳහා මාසයකට රුපියල් 21,548,526.07 ක් වැයකර ඇති අතර ඒ අනුව පාර්ලිමේන්තු මන්ත්‍රීවරන් 225 නා සඳහා වසකරට රුපියල් 258,582,312.82 ක් වැයකර ඇති බව පාර්ලිමේන්තු වාර්තා දක්වා ඇත.
2016 වසරේ පාර්ලිමේන්තුව දින 97 ක් පවත්වා ඇති අතර එම වර්ෂයේ පාර්ලිමේන්තුවේ වාර්ෂික වියදම රුපියල් 1,619,500,803.00 කි.