මෙරට තුළ පවතින ආර්ථික අර්බුදය පිළිබඳව ජාතික ආණ්ඩුවේ දෙපාර්ශවයම විවිධ තර්ක මතු කරමින් සිටින බව ජනතා විමුක්ති පෙරමුණේ දේශපාලන මණ්ඩල සභික කේ. ඩී. ලාල් කාන්ත මහතා ප්‍රකාශ කරයි.
ඒ මහතා මේ බව කියාසිටියේ ණය බදු බර හා බිඳවැටෙන ආර්ථිකය යන තේමාවෙන් ඇඹිලිපිටියේ දී පැවති සම්මන්ත්‍රණයක දීය.
එහිදී අදහස් දැක්වූ ලාල් කාන්ත මහතා, මෛත්‍රීපාල සිරිසේන මහත්තයා සහ ශ්‍රීපනිපයෙන් ආණ්ඩුවට එකතුවුණු කණ්ඩායමක් ඉන්නවනේ, ඒ මුළු කණ්ඩායමම උත්සහ කරනවා මේ ජනතාව මුහුණ දීලා තියෙන අළුත් අර්බුද ටික රනිල් වික්‍රමසිංහ මහත්තයා ප්‍රමුඛ එජාපයේ වැඩක්ය කියලා ඒත්තු ගන්වන්න. ඒ ශ්‍රීලනිප පාක්ෂිකයින්ට කියන්නේ. මේ අතර රනිල් වික්‍රමසිංහ මහත්තයා ප්‍රමුඛ එජාපය උත්සහ කරනවා දැන් ඇතිවෙලා තියෙන අර්බුධ සියල්ල පසුගිය මහින්ද රාජපක්ෂ මහත්තයාගේ පාලන සමය විසින් ඇතිකළ එකක්ය බවට. ලෙස කියාසිටියේය.
වැඩිදුරටත් අදහස් දැක්වූ ඒ මහතා ප්‍රකාශකළේ අගමැතිවරයා පෙර කීවාක් මෙන් ජනතාවට තිත්ත බෙහෙත් බීමට සිදුවන බවත් ඉදිරියේ දී රට තුළ පවතින අර්බුධ තව තවත් උග්‍ර විය හැකි බවත් ය.