පෞද්ගලික වෛද්‍ය විද්‍යාල එකක් නොව පහළොවක් පමණ ඉතා ඉක්මනින් රට තුළ ආරම්භ කිරීමට අවශ්‍ය යටිතල පහසුකම් රජය විසින් ඇතිකළ යුතු බව ජයවර්ධනපුර විශ්වවිද්‍යාලයේ ජ්‍යෙෂ්ඨ කථිකාචාර්ය පූජ්‍ය දඹර අමිල හිමියෝ පැවසූහ.
මීට සමගාමීව එම සියලු ආයතන ප්‍රමිතිගත කිරීමේ පනතක් ගෙන ආයුතු අතර ඒ හරහා රජයේ වෛද්‍ය විද්‍යාල , රජයේ විශ්වවිද්‍යාලද ප්‍රමිතිගත විය යුතු බවද ඒ හිමියෝ පැවසූහ.
කොළඹ පැවති මාධ්‍ය හමුවකදී අදහස් දක්වමින් උන්වහන්සේ මෙසේද පැවසූහ
පෞද්ගලික වෛද්‍ය විද්‍යාල එකක් නෙවෙයි තව පහළොවක් විතර වහාම ආරම්භ කිරීමට යටිතල පහසුකම් රජය විසින් සැපයිය යුතුයි. පෞද්ගලික අංශය තිබිය යුතුමයි. පෞද්ගලික බස් තිබෙනවා , ලංගම බස් තිබෙනවා . පෞද්ගලික රෝහල් තිබෙනවා , රජයේ රෝහල් තිබෙනවා. ජාත්‍යන්තර පාසල් තිබෙනවා , රජයේ පාසල් තිබෙනවා. ඒවගේම රජයේ වෛද්‍ය විද්‍යාල තිබෙනවා , පෞද්ගලික වෛද්‍ය විද්‍යාලත් තිබිය යුතුයි. ජාතික ආරක්ෂාව විදේශ ප්‍රතිපත්තිය ආදි සංවේදී කරුණු හැරුණාම අනිත් සියලුම කාරණා සඳහා පෞද්ගලික අංශය තිබිය යුතුයි. කරන්න තියෙන්නේ එකම දෙයයි ප්‍රමිතය හදන එක යැයි පැවසුහ