උසාවියට අපහාස කිරීමේ චෝදනාව සම්බන්ධයෙන් බොදු බල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන්ට එරෙහිව ගොණුකර ඇති නඩුව ජූනි 12 වෙනිදා යළි කැදවීමට අභියාචනාධිකරණය අද (31) තීන්දු කළේය.
අද දින පැවති නඩු විභාගය සදහා ඥාණසාර හිමියන් පැමිණ නොසිටි අතර, විත්තිය වෙනුවෙන් ජනාධිපති නීතීඥ මනෝහර සිල්වා මහතා පෙනී සිටියේ.
එක්නැලිගොඩ සිද්ධිය සම්බන්ධයෙන් සැකපිට සිරගත කර සිටි හමුදා බුද්ධි අංශ නිලධාරීන් වෙනුවෙන් 2016 ජනවාරි 25 වනදා හෝමාගම අධිකරණයේදී අදහස් දැක්වීම හේතුවෙන්, අධිකරණයට අපහාස කළ චෝදනාව මත උන්වහන්සේ රක්ෂිත බන්ධනාගාරගත කර පසුව නිදහස් කෙරිණි.