ශ්‍රී ලංකාවේ සංචාරය කිරීමෙන් වැළකී සිටින්නැයි එරට විදේශ කටයුතු අමාත්‍යාංශය කටාර් ජාතිකයින්ට සංචාරක උපදේශනය නිකුත් කරමින් කියා සිටී.
මේ දිනවල ශ්‍රී ලංකාවේ දැනට පවතින එච්.වන්.එන්.වන් (කුරුලු උණ) රෝග වසංගත තත්ත්වය හේතුවෙන් කටාර් වැසියන්ට එහි සංචාරය නොකරන ලෙසට කටාර් විදේශ අමාත්‍යාංශය විසින් උපදෙස් දී ඇත.
මේ අතර ශ්‍රී ලංකාව සම්බන්ධයෙන් කටාර් රාජ්‍ය පනවා ඇති සංචාරක තහනම නිවැරදි නොවන බවට සෞඛ්‍ය අමාත්‍යාංශය පවසයි. සංචාරකයන්ට වාරණයක් දැමීමට තරම් ඒ (එච්1එන්1 ) රෝගය බරපතල ලෙස වර්ධනය වී නැතැයි සෞඛ්‍ය අමාත්‍යංශය කියයි.
2005 ජාත්‍යන්තර සෞඛ්‍ය රෙගුලාසි අනුව ලෝක සෞඛ්‍ය සංවිධානයේ නියෝජනය කරන කිසිදු රටකට තවත් සාමාජික රටකට එවැනි තහනමක් පැනැවීමට නොහැකි යැයි ද සෞඛ්‍ය අමාත්‍යංශය වැඩිදුරටත් පෙන්වා දෙයි.