නව ආණ්ඩුක්‍රම ව්‍යවස්ථා කෙටුම්පත් යෝජනාව ළඟදීම පාර්ලිමේන්තුවේදී විවාදයට ගන්නා බව විදේශ අමාත්‍ය මංගල සමරවීර මහතා පවසයි.
බ්‍රිතාන්‍යයේ නිල සංචාරයක නිරත විදේශ අමාත්‍ය මංගල සමරවීර මහතා ලන්ඩන් හි මාල්බරෝ හවුස් හිදී පොදුරාජ්‍ය මණ්ඩලයීය මහලේකම් පැට්‍රීෂියා ස්කොට්ලන්ඩ් මහත්මිය හමුවූ අවස්ථාවේදී මේ බව ප්‍රකාශ කර තිබේ.
නව ව්‍යවස්ථාවක් සකස් කිරීම සම්බන්ධයෙන් සිය අවසන් යෝජනා ඉදිරිපත් කිරීම සඳහා ජනාධිපතිතුමාගේ පක්ෂය, ශ්‍රී ලංකා නිදහස් පක්ෂය සහ ජනතා විමුක්ති පෙරමුණ කාලය ඉල්ලා ඇතැයිද විදේශ කටයුතු ඇමතිවරයා පසුගියදා පැවැති දේශනයකදී පවසා තිබිණ.