විල්පත්තුව ජාතික වනෝද්‍යානය වටා ආරක්ෂාවට පිහිටා ඇති පරිවාර රක්ෂිත වනාන්තර පද්ධතිය නැවතත් විනාශ කිරීම අරඹා තිබේ. විල්පත්තුව ජාතික වනාන්තර සීමාවේ පිහිටි මාවිල්ලුව වන රක්ෂිතයට උතුරින් පිහිටා ඇති අක්කර 5425 ක විශාලත්වයකින් යුත් අතර විලත්තිකුලම් රක්ෂිතයේ අක්කර 750 ක භූමියක් මෙසේ වන සංහාරයට නැවතත් ගොදුරුවී තිබේ.
ඒ පිළිබඳව වන සංරක්ෂණ දෙපාර්තමේන්තුවේ මන්නාරම දිස්ත්‍රික් කාර්යාලයෙන් කළ විමසීමේදී කිසිවක් පැවසීම ඉදිරිපත් නොවුනද එක හෙළා පවසා සිටියේ 2014 හෝ 2015 වසර වලදී එකදු බිම් අඟලක් ලබාදී නැති නමුත් 2012 සහ 2013 වසර වලද යම් ඉඩම් ප්‍රමාණයක් ලබාදී ඇති බවය.
විල්පත්තුව වෙනුවෙන් පෙනී සිටින පරිසර සංවිධාන එකමුතුව පවසා සිටින්නේ මෙම රක්ෂිත වනාන්තර කිසිදු ආකාරයකින් පවරාදීමක් සිදුව නැති බවත් එසේ නම් එය ගැසට් කිරීමක් සිදුවිය යුතු බවයි. මෙම විලත්තිකුලම් වන රක්ෂිතය විල්ලු රැසකින් පිරී ඇති බවත් අලි ඇතුන් හා වන සතුන්ගෙන් පිරි වන රක්ෂිතයක් වන අතර එවැන් පරිසරයක් වැනසීම තුළින් විල්පත්තුවට සිදුවන හානිය සුළු පටු නැති බවද පරිසර සංවිධාන එකමුතුව පවසයි.
[fbvideo link=”https://www.facebook.com/protectvilpattu/videos/1918133588414409/” width=”500″ height=”400″ onlyvideo=”1″]
ඡායාරූප Protect Wilpattu ෆේස්බුක් පිටුවෙන්