Colombo Today Local News

සැර අඩු රසායනික පළිබෝධනාශක ගෙන්වන්න පෞද්ගලික සමාගම් කීපයකට නිර්දේශ දුන් බව ඇමති කියයි

මෙවර මහ කන්නයට පමණක් වී වගාව වෙනුවෙන් රසායනික පළිබෝධනාශක ආනයනය කිරීමට කටයුතු කරන බව කෘෂිකර්ම රාජ්‍ය ඇමැති ශෂීන්ද්‍ර රාජපක්ෂ පවසයි.

පොහොර උපදේශන කමිටුව,කෘෂිකර්ම අමාත්‍යාංශය සහ වැවිලි අමාත්‍යාංශය එක්ව සාකච්ඡා කර මෙම තීරණය ගත් බවත්,ඒ අනුව වී වගාව සහ වැවිලි භෝග සඳහා අවශ්‍ය රසායනික පළිබෝධනාශක ප්‍රමාණය දළ වශයෙන් නිශ්චිත කරගත් බවත් ඇමැතිවරයා කියයි.

මේ අනුව අඩු සැරකින් යුතු වල් නාශක, කෘමි නාශක සහ පළිබෝධනාශක යම් ප්‍රමාණයක් ආනයනය කිරීම සඳහා පෞද්ගලික සමාගම් කීපයකට නිර්දේශ ලබාදුන් බවද ඔහු පවසයි.

මේ සඳහා කැබිනට් අනුමැතිය ඉක්මණින් ලබා ගැනීමට කටයුතු කරන බවද ඇමැතිවරයා පවසයි.

මේ පිළිබදව කෘෂිකර්ම අධ්‍යක්ෂ ජනරාල් ආචාර්ය අජන්ත ද සිල්වා ගෙන් කළ විමසීමකදී කියා සිටියේ අවශ්‍යතාවයමත පදනම්ව සුළු ප්‍රමාණයක් පමණක් ගෙන්වීමට කටයුතු කරන බවය.

රටේ කාබනික වගාව කරගෙන යද්දී යම් විශාල හානියක් සිදුවුවහොත්,එය පාලනය කිරීමට ප්‍රයෝජනයට ගැනීමට මේ රසායනික පළිබෝධනාශක ආනයනය කිරීමට බලාපොරොත්තු වන බවද ඔහු කියයි.

Related posts

උද්ධමනය 70% දක්වා ඉහළ යා හැකි බවට අනතුරු ඇඟවීම්

colombotoday

හිටපු ජනපති සිරිසේනගේ ජයග්‍රහණය වෙනුවෙන් පොලොන්නරුවේ පැවති රැලියකට ජනපති ගෝඨාභය එක් වෙයි

colombotoday

කිසිම තෙල් හිඟයක් නෑ. බොරුවට කලබල වෙන්න එපා – බලශක්ති ඇමති කියයි

colombotoday

කොවිඩ් 19 වෛරසය ව්‍යාප්තවී ඇති ලොව රටවල් අතරින් ශ්‍රී ලංකාව 100 වන ස්ථානයට

colombotoday

විජයකලාගේ ප්‍රකාශය අනවශ්‍ය දෙයක් – එජාප උප නායක රවී කරුණානායක

colombotoday

ජිනීවා අර්බුදයට විසදුම් හොයන්න ජනපති පක්ෂ 21 ක් සමග එකම මේසයක

colombotoday