පොලීසිය දකුණේ සිංහල ජනතාවට ක්‍රියාත්මක කරන නීති උතුරේ අන්තවාදීන් පිරිස්වලට ඒ ආකාරයෙන්ම ක්‍රියාත්මක නොකරන බවත්, එබැවින් පොලිස්පතිවරයා කටින් බතල හිටවන්නෙකු පමණක්දැයි හැගෙන බවත් බොදු බල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන් පවසයි.
දකුණේ සිංහල ජනතාවගේ ඉළ ඇට කැඩෙන්නට පහරදෙන පොලිසිය නැගෙනහිරදී රෝහල්ගත වන්නටම ගුටි කන බවද, විග්නේෂ්වරන්ලාගේ, ද්‍රවිඩ සන්ධානයේ ජාතිවාදී හැසිරීම නිසා උතුරේ සිංහල ජනතාව පීඩාවට පත්වෙද්දී පොලීසියට ඒවා නොපෙනෙන බවද උන්වහන්සේ පවසති.
වව්නියාව කොක්එළිය ගම්මානයේ සිංහල වැසියන්ට උතුරෙන් පිටවන ලෙසට කොටි පිස්තෝල කල්ලියේ හිටපු නායකයකු වන සින්නවන් නමැත්තා දිගින් දිගටම තර්ජණය කරන බවත් ඒ පිළිබදව වහාම සොයා බලන ලෙසට පොලිස්පතිවරායාගෙන් ඉල්ලා සිටින බවත් උන්වහන්සේ වැඩිදුරටත් සදහන් කර සිටියහ.