දුෂ්කර ප්‍රදේශ සදහා අන්තර්ජාල පහසුකම් ලබා දීමට ගූගල් සමාගම ආරම්භ කර ඇති ලූන් නියමු ව්‍යාපෘතියේ ශ්‍රී ලංකාවේදී සිදු කෙරෙන දෙවන අත්හදා බැලීම අද සීගිරිය ගුවන් හමුදා කදවුරේදී පැවැත්වෙන් “යොවුන් පුරය” වැඩසටහනේදී සිදු විය.
එහිදී වැඩසටහන සදහා සහභාගී වන තරුණයන්ට ගූගල් බැලුමේ ක්‍රියාකාරීත්වය ප්‍රදර්ශනය කිරීමටද කටයුතු කරන ලද අතර බැලුම ගුවන් ගත කිරීමට සූදානම් කරද්දී යකඩ බටයක ගැටී බැලුමට හානි වී ඇති අතර එය පිලිසකර කර නැවත ගුවන්ගත කිරීමට ගත් උත්සාහය අසාර්ථක වී අැත.
පොළොවේ වායු ගෝලයට ඉහළ කිලෝමීටර් 10-50 අතර අපරිවර්තී කලාපයේ රදවන බැලූනයක් මගින් දුෂ්කර ප්‍රදේශවලට අන්තර්ජාල පහසුකම් ලබා දීම මෙම ව්‍යාපෘතියේ අරමුණයි. එම නියමු ව්‍යාපෘතිය සදහා එක්වූ ප්‍රථම රට ලෙස ශ්‍රී ලංකාව මෙම වැඩහටහනට සම්බන්ධ වී සිටී.
විදුලි සංදේශ හා ඩිජිටල් යටිතල පහසුකම් ඇමැති හරීන් ප්‍රනාන්දු මහතාද එම අවස්ථාවට සහභාගී වීමට පැමිණ සිටියහ.
