සියළු බලතල සහිත ෆෙඩරල් රාජ්‍යයක් නව ව්‍යවස්ථාව මගින් ඇතිවන බවත්, මෙම නව ව්‍යවස්ථාවට රැවටුණහොත් අප සදාකාලිකවම රැවටෙන බවත් හිටපු ජනාධිපති මහින්ද රාජපක්ෂ මහතා පවසයි.
පදවිය ශ්‍රී සුදර්ශනාරායේ පැවති ආගමික උත්සවයකට සහභාගී වෙමින් හිටපු ජනාධිපතිවරයා මේ බව පැවසීය.
වචනවලට රැවටී මව්බිමට ද්‍රෝහී නොවන ලෙස තමා ශ්‍රී ලංකා නිදහස් පක්ෂයේ මන්ත්‍රීවරුන්ගෙන් ඉල්ලා සිටින බවද පැවසූ හිටපු ජනාධිපතිවරයා, නව ව්‍යස්ථාවෙන් බුදු දහමට තිබෙන තැන රකිනවා යැයි පවසා රටේ ඒකීය භාවයට තිබෙන තැන නැතිකර ඇතැයිද පැවසීය.