Colombo Today Local News

සංහිඳියාවට බාධා කළොත් අත්අඩංගුවට.. විශේෂ පොලිස් ඒකකය දැන් ක්‍රියාත්මකයි !

poloi332ආගමික සහ ජාතික සංහිඳියාවට බාධා වන අන්දමේ වෛරී ප්‍රකාශ නිකුත් කරමින් මහජන කැළඹීම් ඇති කරන පුද්ගලයන් වහාම අත්අඩංගුවට ගෙන ඔවුන්ට එරෙහිව දැඩි නීතිමය ක්‍රියාමාර්ග ගැනීම සඳහා පොලිස්‌ මූලස්‌ථානයේ විශේෂ පොලිස්‌ ඒකකයක්‌ ඊයේ (21 වැනිදා) සිට ස්‌ථාපිත කර ඇත.

මෙවැනි ප්‍රකාශ නිකුත් කරමින් මහජන කැළඹීම් ඇති කරන පුද්ගලයන් සම්බන්ධයෙන් විමර්ශන පැවැත්වීම සඳහා නියෝජ්‍ය පොලිස්‌පතිවරයකුගේ ප්‍රධානත්වයෙන් යුත් විශේෂ පොලිස්‌ ඒකකය ඊයේ සිට සිය විමර්ශන කටයුතු ආරම්භ කරන ලදී.

ආගම්වලට ජාතීන්වලට අගෞරව කරන පරිභව කරන ආගම් මුල් කරගෙන මහජන කැළඹීම් ඇති කරන පුද්ගලයන් පිළිබඳව විමර්ශන පැවැත්වීම මේ වනවිට ආරම්භ කර ඇති බව ද එවැනි ප්‍රකාශ නිකුත් කරන පුද්ගලයන් තරාතිරම නොබලා අත්අඩංගුවට ගැනීමට කටයුතු කරන බවද පොලිස්‌ මූලස්‌ථානය පවසයි.

ආගම් සහ ජාතීන් අතර ගැටුම් ඇති කර ජාතිවාදී කලබල ඇති කිරීම සඳහා සංවිධානාත්මක කණ්‌ඩායම් උත්සාහ කරමින් සිටින බවට ලැබී ඇති තොරතුරු මත මෙම විශේෂ පොලිස්‌ ඒකකය පිහිටුවන බව පොලිස්‌ මූලස්‌ථාන ආරංචි මාර්ග වැඩිදුරටත් කියා සිටියේය.

දිවයින

Related posts

බම්බලපිටියේ වෙඩිතැබීමේ සිද්ධිය : සුරාබදු නිලධාරීන්ට ඇප

Admin

ස්ථාන කිහිපයකටම තවදුරටත් මිලිමීටර් 100 ඉක්මවූ තද වැසි

colombotoday

හෙරොයින් හා හමුදා නිල ඇඳුම් සමග පුද්ගලයෙකු අත්අඩංගුවේ

colombotoday

බස්නාහිර ඉඩම්වලින් 2%ක ‘ඩෙංගු බද්දක්‘.. අද සිට ක්‍රියාත්මකයි !

colombotoday

අසාත්මිකතා නිසා රෝගීන් මියයාමේ පරීක්ෂණ වාර්තාව සති 3 කින්..

Admin

සන්නස්ගලට නොතීසි

colombotoday