විනාඩි 25 ක කාලයක් තුළ ඊශ්‍රායල හමුදා ගාසා තීරයට බෝම්බ ප්‍රහාර 122 ක් එල්ල කර තිබේ.
ඒ, හමාස් සංවිධානයේ උමං සබඳතා ජාලය ඉලක්ක කර ගනිමිනි.
ගැටුම් හේතුවෙන් මේ වන විට මියගොස් ඇති පලස්තීන ජාතිකයින් සංඛ්‍යාව 220 ක් පමණ වේ.
මේ අතර යුද අපරාධ පිළිබඳ විමර්ශනයක් ආරම්භ කරන්නැයි, ඉල්ලමින් පලස්තීන විදේශ අමාත්‍ය රියාද් අල් මලිකි, ජාත්‍යන්තර යුද අධිකරණයට ලිපියක් යොමු කර තිබේ.
ඒ, මානව වර්ගයාට එරෙහිව අඛණ්ඩව සිදුවන අපරාධ සම්බන්ධයෙන් වගවීමක් ඉල්ලමිනි.
මේ දක්වා සිදුව ඇති ජීවිත හා දේපළ හානි සම්බන්ධයෙන් පූර්ණ වාර්තාවක් ද පලස්තීන විදේශ අමාත්‍යවරයා විසින් යොමු කරනු ලැබ තිබේ.