මහින්ද රාජපක්ෂ මහතාගේ නව දේශපාලන බලවේගයට සහය පළ කිරීමට එක්සත් ජාතික පක්ෂයේ හිටපු නාගරික මන්ත්‍රීවරු පිරිසක් තීරණය කර තිබේ.
ඒ අනුව මඩකලපුව, කාත්තන්කුඩි එක්සත් ජාතික පක්ෂයේ හිටපු නාගරික මන්ත්‍රීවරුන් සමඟ එක්සත් ජාතික පක්ෂයේ ක්‍රියාකාරින් පිරිසක් බත්තරමුල්ල නෙලුම් මාවත මහින්ද රාජපක්ෂ හිටපු ජනාධිපතිවරයාගේ කාර්යාලයේදී හිටපු අමාත්‍ය බැසිල් රාජපක්ෂ මහතා හමුවී නව බලවේගයට සහය පළ කිරීමට එක්වන බව ප්‍රකාශ කළහ.
මේ අතර හිටපු ජනාධිපති මහින්ද රාජපක්ෂ මහතාගේ උපන් දිනය වන නොවැම්බර් මස 18 වැනිදා ඒකාබද්ධ විපක්ෂයේ නව දේශපාලන ව්‍යාපාරය ආරම්භ කිරීමට සියලු කටයුතු සූදානම් කර ඇතැයි දේශපාලන ආරංචි මාර්ග සඳහන් කරයි.
රටපුරා සියළු මැතිවරණ කොට්ඨාස නියෝජනයවන පරිදි නොවැම්බර් 18 දා එකම නැකතකදී නව දේශපාලන ව්‍යාපාරය බිහි කිරීමට සැලසුම් කර තිබේ.
