යුරෝපා සංගමයෙන් GSP+ බදු සහනය නැවත ලබා ගැනීම සදහා බාධාවක්ව පවතින මෙරට මුස්ලිම් විවාහ නීතිය සංශෝධනය කිරීමට රජය ගෙන ඇති තීරණයට එරෙහිව මුස්ලිම් දේශපාලකයන්ගෙන් හා සංවිධානවලින් දැඩි විරෝධයක් මතුව තිබෙනවා.
මෙරට ක්‍රියාත්මකවන මුස්ලිම් විවාහ නීතිය ආගමට අනුකූල එකක් බැවින් එයට සංශෝධනයට යෑමෙන් මුස්ලිම් ප්‍රජාව තුළ රජයට එරෙහිව විරෝධයක් ගොඩනැගෙනු ඇතිබවත් එබැවින් එම නීතිවලට අත තැබීමෙන් වළකින ලෙසත් ජ්‍යෙෂ්ඨ මුස්ලිම් ඇමතිවරු කිහිප දෙනෙක්ම අග්‍රාමාත්‍යවරයාට දන්වා ඇත.
මේ අතර රජයේ තීරණයට එරෙහිව මුස්ලිම් සමාජය තුළ විරෝධයක් ගොඩ නැගීම සදහා වනපාලුවකට සම්බන්ධ ඇමතිවරයෙක් සහ මුස්ලිම් ඇමතිවරුන් කිහිප දෙනෙක් මේ වනවිටත් කටයුතු ආරම්භ කර ඇති අතර ඒ අනුව ඔවුන්ගේ මෙහෙයවීමෙන් ක්‍රියාත්මක වන ඉස්ලාමීය මුලධර්මවාදී සංවිධාන විසින් ඉදිරි දින කිහිපය ඇතුළතදී මුස්ලිම් ජනතාව කොළඹට කැදවා විරෝධතා පැවැත්වීමට සැලසුම්කර ඇත.
ඉස්ලාමයේ අවසන් ව්‍රක්තෘවරයා යැයි පැවසෙන මුහම්මද් නබිවරයා සිය අවසන් භාර්යාව ලෙස 9 හැවිරිදි දැරියක් විවාහ කරගත් බව ඉස්ලාමයේ සදහන් වෙයි. මෙරට පවතින ඉස්ලාම් විවාහ නීතිය අනුව වයස් සීමාවකින් තොරව ඉස්ලාම් භක්තියකයන්ට කුඩා දැරියන් විවාහ කරගැනීමට අවසර තිබෙන අතර, වසය අවුරුදු 12ට අඩුනම් පමණක් පල්ලියේ කාතිවරයාගේ අවසර ගත යුතුය.
මෙරට ක්‍රියාත්මක මුස්ලිම් විවාහ නීතිය ජාත්‍යන්තර මානුෂවාදී නීතියට, එක්සත් ජාතීන්ගේ ළමා ප්‍රඥප්තියට හා මානව හිමිකම් සහ පිළිගත සමාජ සදාචාරයටන්ට පටහැනි බැවින් GSP+ සහනය ලබා දීමටනම් වහා එම නීති සංශෝධනය කරන ලෙස යුරෝපා සංගමය රජයට දන්වා ඇත.
ඒ අනුව අධිකරණ ඇමතිවරයා විසින් ඒ පිළිබදව නිර්දේශ කිරීම සදහා කමිටුවක් පත්කර ඇති අතර එයට අමාත්‍ය මණ්ඩල අනුමැතියද ලැබී තිබේ.