Colombo Today Local News

මුහුදුබඩ මාර්ගයේ දුම්රිය කාලසටහන අද සිට සංශෝධනය කෙරේ…

මුහුදුබඩ මාර්ගයේ දුම්රිය කාලසටහන අද (01)දිනයේ සිට සංශෝධනය කර ඇතැයි දුම්රිය දෙපාර්තමේන්තුව පවසයි.

එහි නියෝජ්‍ය සාමාන්‍යාධිකාරි එම්.ජේ.ඉදිපොලගේ මහතා පැවසුවේ, දුම්රිය ප්‍රමාදවීම් සම්බන්ධයෙන් පසුගිය කාලය පුරා මගීන්ගෙන් ලැබුණු පැමිණිලි සැළකිල්ලට ගනිමින් එම පියවර ගත් බවයි.

ඒ අනුව මෙතෙක් මාතර දුම්රිය ස්ථානයෙන් ගමන් ආරම්භ කළ රුහුණු කුමාරි දුම්රිය අද පෙරවරු 5.25ට බෙලිඅත්ත දුම්රිය ස්ථානයේ සිට ගමන් ආරම්භ කළේය.

මෙතෙක් සතියේ දිනවල පමණක් ධාවනය වු සාගරිකා ශීඝ්‍රගාමී දුම්රිය සෙනසුරාදා දිනයේ ද ධාවනය කිරීමට නියමිත අතර සතියේ දිනවල රාත්‍රී 8.35ට මරදාන සිට දකුණු පයාගල දක්වා ධාවනය වන දුම්රිය අද දිනයේ සිට අලුත්ගම දක්වා ගමනාන්තය දීර්ඝ කර ඇති බව දුම්රිය දෙපාර්තමේන්තුව සඳහන් කළේය.

පස්වරු 2ට මරදානේ සිට අලුත්ගම දක්වා ධාවනය වන දුම්රිය අද දිනයේ සිට පස්වරු 1.55ට මරදානේ සිට අලුත්ගම දක්වා ධාවනය කිරිමට නියමිතය.

මෙම දුම්රිය කාලසටහන සංශෝධනය සති දෙකක කාලයක් අත්හදා බැලීමෙන් අනතුරුව අඛණ්ඩ ක්‍රියාත්මක කරන්නේ ද නැද්ද යන්න සම්බන්ධව අවසන් තීරණයක් ගන්නා බව දුම්රිය නියෝජ්‍ය සාමාන්‍යාධිකාරි එන්.ජේ ඉදිපොළගේ මහතා සඳහන් කළේය.

Related posts

කථානායකට එරෙහිව විශ්වාසභංග යෝජනාව ගැන තීරණයක්

Admin

වතු කම්කරු වැටුප රු 50කින් ඉහළට…

colombotoday

සෞභාග්‍යයේ දැක්මේ ප්‍රතිපත්ති අනුව අනුගත වෙන්න බැරිනම් ඉවත්වෙන්න – පොහොට්ටුවේ මහලේකම් දන්වයි

colombotoday

පාර්ලිමේන්තු මන්ත්‍රී සාලින්ද දිසානායක අභාවප්‍රාප්ත වෙයි

colombotoday

කොළඹ – බදුල්ල මාර්ගයේ හාලිඇල උඩුවර ප්‍රදේශයෙන් අද සිට බස් ධාවනය සීමා කෙරේ..

Admin

සමාජ ආරක්ෂණ බද්ද අද සිට ක්‍රියාත්මකයි

colombotoday