හැටන් වටවල ප්‍රදේශයේ පෞද්ගලික ඇඟලුම් කර්මාන්ත ශාලාවක සේවකයින් දස දෙනෙකුට කොවිඩ් -19 වෛරසය අසාදනය වී තිබේ.
ඒ හේතුවෙන් අදාළ ඇඟලුම් කර්මාන්ත ශාලාව තාවකාලිකව වසා දැමීමට පාලනය අධිකාරිය පියවර ගෙන ඇත.
අඹගමුව සෞඛ්‍ය වෛද්‍ය නිලධාරි කාර්යාලයේ පරිපාලන මහජන සෞඛ්‍ය පරීක්ෂක කේ. කාමදේවන් මහතා පැවසුවේ ඊයේ ( 23) දින ලැබුණු PCR වාර්තා අනුව එම ආසාදිතයින් හඳුනාගත් බවය.
එම ඇඟලුම් කර්මාන්ත ශාලාවේ ඉකුත් 14 වනදා කොවිඩ් – 19 වෛරස අසාදනය වූ සේවකයෙකු හමු වී තිබුණි.
ඒ අනුව ඔහුගේ සමීප ආශ්‍රිතයින් බවට හඳුනාගත් 60 දෙනෙකුගේ PCR පරීක්ෂණ සිදුකර තිබුණි.
එම වාර්තා ප්‍රතිඵල අනුව සේවකයින් 4 දෙනෙකු සහ සේවිකාවන් 6 දෙනෙකු කොවිඩ් ආසාදිත බවට තහවුරු වී ඇත.
කොවිඩ් -19 වෛරසය අසාදනය වූ සේවකයින් දස දෙනාගෙන් සේවිකාවන් පස් දෙනෙකුම වටවල මවුන්ජින් වතුයායේ පදිංචිකරුවන් බව අනාවරණය වී තිබේ.
සමීප ආශ්‍රිතයින් බවට හඳුනාගත් සේවක සේවිකාවන් 60 දෙනාගේ පවුල්වල සමාජිකයන් 200 දෙනෙකු ද එහිදී ස්වයං නිරෝධානයට යොමු තිබේ.