ගලපිටමඩ දුනුමාල හංදිය ප්‍රදේශයේ දී ඉකුත් ජුලි මස 14දින පුද්ගලයකුට වෙඩි තැබීමේ සිද්ධියේ සැකකරුට නිවසේ නවාතැන් ලබා දීමේ සිද්ධියක් සම්බන්ධයෙන් බන්ධනාගාර සැරයන්වරයෙකු කොළඹ අපරාධ කොට්ඨාශය මගින් අත්අඩංගුවට ගෙන තිබේ.
මෙම වෙඩි තැබීමේ සිද්ධියෙන් පසු එහි සැකකරු වන “චතුවා” නමැත්තාහට බන්ධනාගාර සැරයන්වරයා රාජගිරියේ පිහිටි ඔහුගේ තෙමහල් නිවසේ දෙවන මහලේ නවාතැන් ලබා දී ඇති බව පොලීසිය සඳහන් කරයි.
මෙම වෙඩි තැබීම සම්බන්ධයෙන් චතුවා නමැත්තා කොළඹ අපරාධ කොට්ඨාශය මගින් අත්අඩංගුවට ගෙන රඳවා ගෙන ප්‍රශ්න කිරීමේදී බව හෙළිකර ඇත.
ඒ අනුව, අපරාධ කරුවන්ට රැකවරණය ලබාදීම සම්බන්ධයෙන් සැකකාර සැරයන් අත්අඩංගුවට ගෙන ඇත.
මෙම නිවසේ අපරාධකරුවන් රැසක් මෙහි නවාතැන් ගෙන සිටි බවට සැකකරු පොලීසියට ප්‍රකාශ කර තිබේ.