මෙම වසරේ මුල් මාස අට තුළ පමණක් මොණරාගල දිස්ත්‍රික්කයේ රක්ෂිත හතලිස් දෙකක පමණ ගිනි ගැනීම් වාර්තා වී ඇති බව මොණරාගල දිස්ත්‍රික් ආපදා කළමනාකරණ ඒකකය පවසයි.
එහි සහකාර අධ්‍යක්ෂ රවීන්ද්‍ර කුමාර මහතා සඳහන් කරන්නේ, එම ගිනි ගැනීම් හේතුවෙන් රක්ෂිතවල අක්කර සිය ගනනක්, වන සතුන් ඉපැරැණි ශාක සහ තෘණ භූමි ද විනාශ වී ඇති බවයි.
එසේම පසුගිය වසරවලට සාපේක්ෂව මෙම වසරේ කැලෑ ගිනි තැබීම් ශීඝ්‍රයෙන් ඉහල ගොස් ඇති බව ද ඔහු සඳහන් කළා.
මෙම වසරේ බලපෑ දැඩි නියං කාලගුණය කැලෑ ගිනි ශීඝ්‍රයෙන් ඉහළ යාමට හේතුවක් වී ඇති බව ද සඳහන්.
මිනිස් ක්‍රියාකාරකම් හේතුවෙන් මෙම කැලෑ ගිනි ඇති වී ඇති අතර ඉදිරි කාලයේ දී හෝ මෙම ගිනිතැබීම් අවම කර ගනිමින් කටයුතු කළ යුතු බව මොණරාගල දිස්ත්‍රික් ආපදා කළමනාකරණ ඒකකයේ සහකාර අධ්‍යක්ෂ රවීන්ද්‍ර කුමාර මහතා වැඩි දුරටත් සඳහන් කරයි.