ඊයේ (20)රාත්‍රී 7ට පමණ බීමත්ව යකඩ පොල්ලක් රැගෙන නිරුවතින් පැමිණි පුද්ගලයෙකු හොරණ නගර සභාවේ හිටපු සභාපති විතානගේ සිරිසෝම මහතාගේ නිවසට අලාභහානි සිදුකර තිබේ.
පහරදීමෙන් හිටපු නගරාධිපතිවරයාගේ දියණියට හා නැගණියට සුළු තුවාල සිදුව ඇත.
එමෙන්ම නිවසේ තිබු භාණ්ඩ කිහිපයකට හා ගේට්ටුව ද හානි සිදුව ඇතැයි වාර්තා වේ.
පහරදීමට පැමිණි පුද්ගලයා නිවසේ සුරතලයට ඇති කරන සුනඛයාට අමානුෂික ලෙස පහරදුන් බව නිවෙස්හිමියන් චෝදනා කරයි.
පහරදීමට පැමිණි පුද්ගලයාව හිටපු නගරාධිපතිවරයා විසින් නගර සභාවේ රැකියාවකට යොදවා ඇති අතර, එහිදී ඇති වු සිද්ධියකට පළිගැනීමක් ලෙස මෙලෙස හැසිරෙන බවට තොරතුරු ලැබී ඇත.
කෙසේවෙතත් අදාළ පුද්ගලයා නිරුවතින් මාර්ගයේ හැසිරෙන අයුරු පුද්ගලයෙක් ජංගම දුරකථනයකින් පටිගත කර තිබේ.
සිද්ධිය සැලවූ වහාම හොරණ පොලීසිය මඟින් සැකකරු අත්අඩංගුවට ගෙන ඇති අතර සැකකරු අද (21)දින හොරණ මහෙස්ත්‍රාත් අධිකරනයට ඉදිරිපත් කිරීමට නියමිතය.