නීතිවිරෝධී ලෙස ඊශ්‍රායලයට ඇතුළු වීමට උත්සාහ කළ ශ්‍රී ලාංකිකයින් හත්දෙනෙකු ජෝර්දානයේ දී අත්අඩංගුවට ගෙන තිබේ.
මෙම ශ්‍රී ලාංකිකයින් හත්දෙනා දේශසීමා හරහා ගමන් කරමින් සිටියදී ඊයේ (16) දිනයේ අත්අඩංගුවට ගෙන ඇති බව ජෝර්දාන හමුදා වෙබ් අඩවිය සඳහන් කරයි.
ඒ අනුව,ජෝර්දාන හමුදාව විසින් අත්අඩංගුවට ගත් ශ්‍රී ලාංකිකයින් හත්දෙනා බලධාරීන් වෙත භාරදුන් බව එම වෙබ් අඩවියේ සඳහන් කර තිබේ.
ජෝර්දාන – ඊශ්‍රායල් දේශ සීමාවේ දී පසුගිය වසරවල අප්‍රිකා, ආසියා සහ තුර්කි යන රටවලින් ඊශ්‍රායලයේ රැකියා ලබාගැනීමට පැමිණෙන පිරිස් අනවසරයෙන් ඇතුළු වූ අවස්ථා කිහිපයක් වාර්තා වී තිබුණි.
පසුගිය වසරේ එලෙස ඊශ්‍රායලයට ඇතුළුවීමට උත්සාහ කළ පුද්ගලයින් 52දෙනෙකු අත්අඩංගුවට ගෙන ඇති අතර මේ වසරේ පළමු කාර්තුව තුළ පුද්ගලයින් 23 දෙනෙකු අත්අඩංගුවට ගෙන ඇති බව වාර්තා වේ.