2023 ලෝක කුසලාන සුදුසුකම් ලැබීමේ ක්‍රිකට් තරගාවලියේ සුපිරි 6 දෙනාගේ වටයෙහි ශ්‍රී ලංකාව සහ බටහිර ඉන්දීය කොදෙව් කණ්ඩායම් අතර තරගය අ(7)දින සිම්බාබ්වේ හරාරේ හිදී පැවැත් වේ.
ක්‍රීඩා කළ සියලු තරග ජය ගනිමින් දසුන් ශානකගේ නායකත්වයෙන් යුත් ශ්‍රී ලංකා කණ්ඩායම මේ වන විටත් ලෝක කුසලාන ක්‍රිකට් තරගාවලියේ සිය ස්ථානය තහවුරු කරගෙන අවසන් ය.
ශ්‍රී ලංකා කණ්ඩායම මෙම තරගාවලියේදී හරාරේ ක්‍රීඩාංගණයේ තරගයකට එක්වන පළමු අවස්ථාව ද මෙයයි.
ෂේ හෝප්ගේ නායකත්වයෙන් යුත් කොදෙව් කණ්ඩායම ක්‍රීඩා කළ තරග 4න් ජය ගෙන ඇත්තේ එක් තරගයක් පමණි.
ශ්‍රී ලංකාව සහ බටහිර ඉන්දීය කොදෙව් කණ්ඩායම් අතර අද තරගය මෙරට වේලාවෙන් දහවල් 12. 30ට ආරම්භ වීමට නියමිතයි.