යුක්‍රේනය මොස්කව් වෙත ඩ්‍රෝන ප්‍රහාරයක් දියත් කර ඇති බව රුසියානු ආරක්ෂක අමාත්‍යාංශය ප්‍රකාශ කර තිබේ.
ඒ හේතුවෙන් මොස්කව් ප්‍රධාන ගුවන් තොටුපළ තාවකාලිකව වසා දමා ඇති බව විදෙස් මාධ්‍ය පවසයි.
ප්‍රහාරය සඳහා ඩ්‍රෝන යානා පහක් භාවිතා කර ඇති අතර එය අගනුවර අවට පුළුල් කලාපයේ ස්ථාන ද ඉලක්ක කර ඇති බවද සඳහන් වෙයි.
සියලුම ඩ්‍රෝන යානා බිම හෙළා ඇති අතර ජීවිත හානි හෝ වෙනත් කිසිදු හානියක් වාර්තාවී නොමැති බව රුසියානු ආරක්ෂක අමාත්‍යාංශය පවසයි.
මෙම ප්‍රහාරයේ වගකීම යුක්‍රේනය භාරගෙන නොමැති බවද විදෙස් මාධ්‍ය වාර්තා සඳහන් කරයි.