කොටි සංවිධානය වෙනුවෙන් මිය ගිය අය සැමරෙන මහවිරු සැමරුම් වැඩසටහන පැවැත්වීම වෙනුවෙන් යාපනය විශ්ව විද්‍යාලයේ සිසුන් විසින් අද දහවල් සංවිධානය කොට ඇති බව යාපනය ආරක්ෂක අංශ සදහන් කරයි.
යාපනය විශ්ව විද්‍යාලය ඉදිරිපස මහවිරු සැමරුම වෙනුවෙන් විශාල පහනක ආකෘතියක් සකස් කොට ඇති අතර, කොඩි වැල් වලින් විශ්ව විද්‍යාලය අවට ප‍්‍රදේශ සරසා ඇති බවද ආරක්ෂක පවසති.
පහන් දල්වා, මල් පුදා යුද්දයෙන් මියගිය එල්. ටි. ටි.ඊ. සාමාජිකයින් සැමරීමට යාපනය විශ්ව විද්‍යාල සිසුන් සෑම වසරකම කටයුතු කරනු ලැබීය. එල්. ටි. ටි.ඊ. සංවිධානය ක‍්‍රියාකාරීව පැවති සමයේ යාපනය විශ්ව විද්‍යාල සිසුන් කණ්ඩායම් සංවිධානයේ ක‍්‍රියාකාරකම් වෙනුවෙන් සහභාගිවු බවට පසුගිය සමයේ අනාවරණය වු බවද ආරක්ෂක අංශ පවසති.