උතුරු පළාතේ ග්‍රාම සංවර්ධන කටයුතු සදහා වෙන්කර ඇති මුදල්වලින් රුපියල් මිලියන 25ක් හිටපු කොටින්ගේ පවුල්වල නඩත්තුව සදහා ලබා දීමට උතුරු පළාත් සභාව තීරණය කර ඇත.
උතුරු පළත්සභාවේ ග්‍රාම සංවර්ධන කටයුතු ඇමති පී ඩෙනීෂ්වරන්ගේ උපදෙස් මත, මෙලෙස මධ්‍යම රජයෙන් සැපයුණු අරමුදල් කොටි පවුල්වෙත ලබා දෙයි.
එහි පළමු අදියර වශයෙන් වව්නියාව, යාපනය, කිලිනොච්චිය, මුලතිව් දිස්ත්‍රික්කවල තොරාගත් කොටි මහවිරු පවුල් 147ක් සදහා ජීවනෝපාය සහනාධාරයක් වශයෙන් රුපියල් 50000 බැගින් ප්‍රධානය කිරීම පසුගිය දෙසැම්බර් මසදී යාපනය නාලවර් වීදියේ ග්‍රාම සංවර්ධන අමාත්‍යාංශ කාර්යාලයේදී සිදුකර ඇත.
මෙයට පෙර නැවත පදිංචි කිරීමේ අමාත්‍ය ඩී.එම්. ස්වාමිනාදන් විසින් හිටපු කොටි සාමාජිකයන්ට දීමනාවක් ලබා දීම සදහා කැබිනට් පත්‍රිකාවක් ඉදිරිපත් කර තිබුණු අතර එය අනුමත නොවීය.