නාසා ආයතනය වසර 50 කට පසුව සිදු කිරීමට නියමිත සඳ තරණ මෙහෙයුම සඳහා ගගනගාමීන් නම් කර තිබේ.
ගගනගාමීන් 4 දෙනෙකුගෙන් යුතු මෙම කණ්ඩායමට කාන්තාවක් සහ අමෙරිකානු කළු ජාතිකයෙකු ඇතුළත් වීම විශේෂත්වයකි.
සඳ තරණ මෙහෙයුමක් සඳහා සම්බන්ධ වන ප්‍රථම කාන්තාව ලෙස ඇය ඉතිහාසයට එක්වනු ඇති.
නාසා ආයතනයේ ‘ආටෙමිස් ටූ’ මෙහෙයුම හරහා මෙම කණ්ඩායම 2024 වසරේ අග භාගයේදී සඳ කරා ගමන් කිරීමට නියමිත වේ.
1972 වර්ෂයේ ඇපලෝ 17 මෙහෙයුමෙන් අනතුරුව නාසා ආයතනය ගගනගාමීන් කණ්ඩායමක් නැවත සඳ වෙත යවා නැත.
ඒ අනුව වසර 50 කට පසු සිදු කෙරෙන මෙම මෙහෙයුම හරහා නැවතත් ගගනගාමීන් සඳ මතුපිටට රැගෙන යාම නාසා ආයතනයේ අරමුණයි.