ත්‍රිකුණාමල වරාය ඉන්දියාවට දීම සම්බන්ධව ද ළඟදීම තීරණයක්‌ ගන්නා බව අමාත්‍ය සරත් ෆොන්සේකා හින්දු පුවත්පත අමතා ප්‍රකාශ කර ඇත.
මේ සම්බන්ධයෙන් ශ්‍රී ලංකා රජය ඉන්දියාව සමඟ දැන් සාකච්ඡා කරන බවද ඔහු කියා සිටියේය.
සරත් ෆොන්සේකා මේ බව පවසා ඇත්තේ ඉන්දියාවේ පැවැති රෙයිසිනා සංවාදය අමතමිනි.
චීනය සමඟ හම්බන්තොට තිබෙන අත්දැකීම් ශ්‍රී ලංකාවට, එතරම් වැඩදායක නැති නමුත් හම්බන්තොට වරායේ ඉදිකිරීම් නිසා විශාල ණය මුදලක්‌ ගෙවීමට සිදුවී ඇති බව ඔහු කීවේය.
යුද්ධය පැවැති සමයේ දකුණු ඉන්දියාවේ ඇතැම් දේශපාලන නායකයන් සහ පක්‍ෂ ද්‍රවිඩ ගරිල්ලන්ට සහය දැක්‌ වූ බව ෆොන්සේකා මහතා පවසා ඇත.
චීන සබ්මැරීන් යාත්‍රා ශ්‍රී ලංකාවට පැමිණීම ගැන ඉන්දියාව දරන ස්‌ථාවරය සම්බන්ධයෙන් රජය කටයුතු කරන බවද ඔහු කීවේය.
මෙයට වසර ගණනකට පෙර හිටපු ජනාධිපති ඡේ. ආර්. ජයවර්ධන මහතා ත්‍රිකුණාමල වරාය ඇමරිකාවට ලබාදීමට උත්සාහ කළ අවස්‌ථාවේ එවකට සිටි ඉන්දීය අගමැතිනි ඉන්දිරා ගාන්ධි ඊට එරෙහි වී ඇත.