රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යංශයේ ලේකම් ධූරයෙන් නීල් බණ්ඩාර හපුහින්න ඉවත් කර ජනාධිපති කාර්යාලයට ස්ථාන මාරු කර තිබේ.
අද (20)දින සිට ක්‍රියාත්මක වන පරිදි මෙම ස්ථාන මාරුව කර ඇත.
ඒ අනුව රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යංශයේ වැඩ බලන ලේකම්වරයා ලෙස රංජිත් අශෝක පත් කර ඇත.
මෙතෙක් කලක් රංජිත් අශෝක එම අමාත්‍යංශයේ අතිරේක ලේකම් ධූරය හොබවනු ලැබීය.
නීල් බණ්ඩාර හපුහින්න පළාත් පාලන මැතිවරණයේ ඇප මුදල් භාර නොගන්නා ලෙස දන්වමින් දිස්ත්‍රික් ලේකම්වරුන් වෙත යොමු කළ ලිපියකට පාර්ශව රැසකින් චෝදනා එල්ල විය.